#HappyWorldPoetryDay

Sabi nila, may mga bagay na gustong sabihin ang puso na hindi masabi ng bibig.
Madaming naiisip ang utak na kulang ang salita para ipahayag.
Kaya't kumuha ako ng lapis at nagsulat.
Hinahanap ang mga tamang salita
para maipadama ang laman ng puso't isip ko.
Kinakausap ang papel,
at ang mundong makababasa nito.
Nagbabakasakali, na sa pamamagitan nito.. ako'y MARINIG.
Na sa iyong pagbabasa, ako'y LUMAYA.
Na sa sandaling oras, ako'y yakapin pabalik.
Sana, maramdaman kong hindi ako nag iisa,
may NAKIKINIG.

#HappyWorldPoetryDay

21 March 2022

Hindi Mo Kasalanan Kung Napagod Ka

Huwag mo sisihin ang sarili mo

Alam kong pinilit mong maging malakas

pero may mga pagkakataon talagang

pagbitaw nalang ang solusyon

upang makatakas.

Makatakas at tuluyang makawala

Tumakbo hanggang sa di na mahabol pa

Nagbabakasali na sa dulo 

ay may makikitang saya.

Hindi mo sinasadyang makasakit,

Sa likod ng lahat,

hindi nila alam ang iyong paghikbi.

Madaming tanong sa iyong isip.

Bigat na iyong pasan

ay walang ibang may alam.

Hindi mo kasalanan kung napagod ka.

Hindi palusot na tao ka lang at nagkakamali

Hindi ka perpekto.

Bilog ang mundo,

at iba iba tayo.

Minsan, kailangan natin na hayaan ito.

Kailangan natin madapa.

Kailangan natin masaktan.

Pero tandaan mo,

hindi mo kontrol ang mundo.

Hayaan mo itong umikot

Hayaan mong ikaw ay matuto.

Dahil sa pagkakadapa mo,

alam kong tatayo kang mas malakas

at handang harapin ang mundong nag hihintay sayo.

xoxo

jayz